Úrskurðarnefnd fjarskipta- og póstmála

Um úrskurðarnefnd fjarskipta- og póstmála

Skv. 13. gr. laga um Póst- og fjarskiptastofnun nr. 69/2003 er heimilt að kæra ákvarðanir Póst- og fjarskiptastofnunar til úrskurðarnefndar fjarskipta- og póstmála.  Sá sem á verulegra hagsmuna að gæta getur kært hvort heldur er málsmeðferð eða efni ákvörðunar. Kæra þarf að berast nefndinni innan fjögurra vikna frá því að kæranda varð kunnugt um ákvörðunina. Úrskurðir nefndarinnar eru endanlegir á stjórnsýslustigi. Frekari upplýsingar um  málsmeðferð nefndarinnar eru í reglugerð um úrskurðarnefnd fjarskipta- og póstmála nr.36/2009.

Skipan úrskurðarnefndar
Í úrskurðarnefnd sitja þrír nefndarmenn sem skipaðir eru af samgöngu- og sveitarstjórnarráðherra og jafnmargir til vara. Formaður og varaformaður skulu fullnægja hæfisskilyrðum hæstaréttardómara. (Sbr. reglug. 581/2014).
Varaformaður leysir formann af ef hann forfallast. Skipunartími nefndarinnar er fjögur ár.

Núverandi nefnd er skipuð til og með 14. ágúst 2022.

Úrskurðarnefndin er þannig skipuð:

Aðalmenn:

• Þórður Bogason hrl., formaður
• Brynja Ingunn Hafsteinsdóttir lögfræðingur
• Kirstín Þ. Flygenring hagfræðingur

Varamenn:

• Ólafur Garðarsson, hæstaréttarlögmaður, varaformaður
• Kristín Eiríksdóttir hagfræðingur
• Baldur Sigmundsson lögfræðingur

Kærur til úrskurðarnefndar fjarskipta- og póstmála sendist til:

Þórður Bogason hrl. 
Lögmenn Höfðabakka
Höfðabakka 9
110 Reykjavík

Netfang: ufp@ufp.is